Para së gjithash, dua ta filloj këtë postim duke ju falënderuar të gjithëve. Në postimin e fundit shkrova rreth “shiritit” tonë të reagimeve që kemi zbatuar në sistem dhe duhet të them se ka qenë kënaqësi (kryesisht) të lexoja të gjitha reagimet me të cilat na u përgjigjët.
Po bëjmë më të mirën që të ju dëgjojmë gjithmonë, prandaj e vlerësojmë shumë. Shpresojmë që edhe ju ta ndieni se po përpiqemi të zbatojmë gjithfarë reagimesh në produkt, pavarësisht madhësisë.
Mirë, kthehemi te ky përditësim.
Mbrojtja e rezervimeve nga spami
Një nga kërkesat për veçori që kemi dëgjuar kohët e fundit është që do të donit të mbroheshit më shumë nga spami dhe rezervimet e rreme, pasi kjo mund të prishë lehtësisht një mbrëmje nëse një person i vetëm do t’ju rezervonte të gjitha tavolinat me shumë rezervime. Kështu që ju dëgjuam dhe prezantuam një cilësim të ri të quajtur “Mbrojtja nga spami”, që mund të gjendet te Cilësimet > Rezervimet.
Mbrojtja nga spami shikon se sa rezervime të bëra brenda 24 orëve të fundit kanë të njëjtin email, numër telefoni ose (nëse aktivizohet, shihni më poshtë) vijnë nga e njëjta adresë IP si një rezervim i ri online që dikush po përpiqet të bëjë.
Nëse shihni shumë spam që kalon ose doni të jeni veçanërisht të kujdesshëm, mund të bllokoni gjithashtu rezervimet e ngjashme sipas adresës IP të personit që dërgon rezervimin. Vetëm vini re se shumë shtëpi, zyra dhe pajisje mund të ndajnë të njëjtën adresë IP, prandaj bllokimi sipas adresës IP mund të shkaktojë probleme në rastet kur rezervimet bëhen kryesisht nga njerëz në të njëjtën vendndodhje.
Nëse dikush përpiqet të dërgojë një rezervim të dyfishtë online dhe arrihet kufiri “Maksimumi i rezervimeve të ngjashme brenda 24 orëve”, rezervimet do të bllokohen dhe mysafiri që po përpiqet të bëjë rezervimin do t’i kërkohet t’ju kontaktojë drejtpërdrejt.
Përditësimi i bazës së të dhënave
E dimë se ky është biznesi juaj dhe shumica prej jush mbështeten te Resos që të jetë gjithmonë i qëndrueshëm dhe i shpejtë, prandaj sapo bëmë një përditësim të madh në bazën tonë të të dhënave. Më vjen keq që nuk ka asgjë tërheqëse për të treguar lidhur me të, por shpresojmë që të ndieni disa përmirësime kur punoni me sistemin dhe, siç e dini ju, ajo që ka rëndësi është çfarë gjendet brenda, apo jo?
Emil, të lutem mbaje fokusin.
Kaq për këtë përditësim, ju uroj një ditë të mbarë dhe shpresoj të kthehem së shpejti me një postim tjetër rreth përditësimeve tona të mrekullueshme të sistemit. :-)
/Emil
